Rrushi, fruti i mrekullueshëm i vreshtit, ka tërhequr vëmendjen e njeriut që në kohët e lashta. Ai ka qenë i pranishëm gjithashtu në skultpurë, literaturë, pikturë, etj.
Falë përbërjes kimike komplekse të tij, rrushi është një ushqim i vlefshëm dhe i nevojshëm për
organizmin e njeriut.
I pjekur ai përmban sasi të konsiderueshme sheqeri dhe aciditeti që e ndihmojnë atë të fermentohet dhe të prodhojë mjaft alkool për të bërë një verë të shijshme që ruhet në kohë. Frutat e tjera nuk e zotërojnë këtë raport bazë.
Vera është një pije alkoolike e pëlqyeshme nga të gjithë; vlerat e saj rriten më tepër kur ka një kuptim të drejtë të varieteteve të rrushit, aromave dhe stileve.
Interesi i madh që njeriu ka treguar vazhdimisht për këtë pije të shenjtë ka bërë që industria e prodhimit të saj të zhvillohet dhe zgjerohet vazhdimisht; gjatë viteve të fundit futja e teknikave dhe produkteve të reja, të cilat paraqitin një zhvillim të veçantë, kanë sjellë gjithashtu përfitime për këtë sektor. Rolin parësor si kudo e luajnë enologët të cilët duhet të jenë të aftë dhe kompetentë për të përballuar një garë gjithnjë në rritje, duke prodhuar produkte cilësore me kosto sa më të ulët që të jetë e mundur.
Teksti Shkenca dhe Teknika e Prodhimit të Verës është një material didaktik, konsultues dhe ndihmues për studentët, enologët, sipërmarrësit dhe prodhuesit. Ai është i strukturuar në 27 kapituj, dhe temat më kryesore që trajtohen janë:
– Shkencadheteknika e verës, zhvillimi i sektorit të prodhimit të verës në vendin tonë dhe në botë,
– Lënda e parë, karakteristika teknologjike të saj
– Zonat e kultivimit të vreshtave
– Treguesit e pjekurisë së rrushit, koha e përshtatshme e vjeljeve
– Mushtet, karakteristikat, tipet e tyre
– Proceset mekanike të trajtimit të rrushit
– Majatë dhe Procesi i fermentimit alkoolik
– Fermentimi malo-laktik i verës
– Roli i gazit sulfuror në prodhimin e verës
– Proceset e macerimit, toçitjes, kupazhit, tërheqjes së verës
– Enët që përdoren në industrinë enologjike
– Disa teknika të tjera vinifikimi
– Llojet e verërave, karakteristikat e tyre
– Prodhimi i verërave të bardha dhe trëndafili
– Prodhimi i verërave të gazuara
– Trajtimet e verërave, ruajtja dhe vjetërimi i tyre
– Vlerësimi organoshqisor i verërës
– Mjedisi enologjik, pajisjet dhe makineritë në industrinë enologjike.
– Mbushja, ambalazhimi i verës,
– Drejtimi i cilësisë në industrinë enologjike, etj
I ilustruar me një numër të konsiderueshëm skemash dhe fotografish, për ti bërë më të kuptueshme spjegimet e shkruara, ai përbën një vepër unike në stilin e tij.
